Nòvas


Sostenon finaciarament la ràdio !

Genier de 2016

Calandreta dels Cascamels de Peyriac, Calandreta dels Polinets de Pezenas, Calandreta de l'Ametlier, del Falabreguier, del Garric de Besièrs Calendreta Becarut de Sigean.

 

Amai qunta bela suspresa ! Arrivan d'en pertot los sostens !
Aquela annada novèla s'entamena plan !
Esperam qu'aquo va contunhar encara !


Plan merces per los chècs de sosten que signan una solidaritat que nos caufa l'arma.

Las obras per reglar las consequencias de l 'aigat que nos tombet dessus fin d'agost de 2015 son encara a esperar las decisions dels experts de las assegurancias ! Es un long camin de paciencia mas sembla que ne tocarem lèu (d'aqui un parel de  meses ?) la fin !

Per ara la radio a capitat de s'organisar per assegurar  la produccion e la difusion dels programes maugrat las condicions un pauc entrepachosas del fonccionament. Tot lo monde ne prend sa part (tecnicians, animators, benevols e convits) e lo vam per far viure al melhor aquela presencia occitana dins lo PAF (aie !) se demesis pas. Al contrari menam un fum de colaboracion amb las associacions e  estructuras de communicacion.

Ràdio Lenga d'Òc joga son rotle e ten sa plaça dins la dinamica occitana. Tant coma vosautres que menatz un camin dels bèls per far viure un pais dins sa lenga.
Osca a totes ! Que de vos veire caminar nos balha de vam per anar, nautres tamben, mai avans !

Vos desiram una annada novela fruchosa de joia, de rescontres e... de gruns !

Jà per nautres qu'a plan començat e podem somiar qu'aquo contunhe !

 

La colha de Radio Lenga d'Oc.

 

P.S. : per los que volan portar sa peira, basta de nos mandar un chèc al nom de ''Son E Resson Occitan''. Vos tornarem un recebut.