Articles

AGENDA : ''Quesacò e Mascomprès'', espectacle de La Rampe TIO...

 

 

 

« Quesacò e Mascomprès » es un espectacle de La Rampe TIO per tot public mas que s'adreça pus particularament als dròlles, e que se joga los 4, 7 e 8 de Març al teatre ''La Vista'' de Montpellier.

Tres datas per descovrir un univèrs creatiu.

 

Quesaquò e Mascomprès

 

Mas, qual son aquestes ''Quesacò e Mascomprès'' ?

 

Son dos amics. Lo primièr podriá se sonar '' Question'' e l'autre ''Responsa'' quitament si la responsa, l'a pas sulpic... Donca, un duo inseparable a qual s'apondan Marchadedins, qu'es totjorn aprèp Quesaquò, e lo Chivau Drapèu, un chaval de legenda. E tota aquela equipa avança dins lo camin de la vida. Cadun de son biais. L'un pausa de questions, l'autre cerca de responsas, lo Chivau Drapèu treva las istòrias, e aquel autre, Marchadedins, daissa pas lo Quesaco d'un pè.

Mas i a pas un camin sens un colhon per nos dire cossí marchar ! El, es Lo Glomi.

Lo Glomi aborra tot çò que se mesura pas, tot çò qu'a pas de numero, tot çò qu'es pas rendable, comptable, espleitable, e subretot lo Glomi aborra los contes, l'imaginacion, las invencions, l'esperit, et de segur, l'èime.

Cap a la malvolença dou Glomi que pas res ne fa pas recular, cossí los amics Quesacò e Mascomprès van ne se sortir ? Benlèu, se podriá que nòstres dos companhons donaràn al Glomi una leiçon memorable.

 

 

 

Un jòc per los drolles, mas tanben per los mai grands !

A l'ocasion de la sortida del espectacle, La Rampe TIO organisa un jòc presentat sul la sieu pagina Facebook. Lo jòc consistís a inventar d'expressions occitanas originalas. Un bon biais de melhora sa lenga occitana tot en s'amusant.