Nòvas


Per tornar ausir...

 

 

Marcèu Esquieu

 

 

Yves Rouquette 

 

 

En omenatge an aquestes dos grands de l’escritura occitana, Ràdio Lenga d'Oc vos prepausa de tornar escotar las lors voses a travers d'enregistraments realisats aquestas darrieras anadas :

Charradisas, entrevistas e legidas de tèxtes.

 

Difusions especialas :

Marcèu Esquieu :

- dimenge 11 de genier a 7 oras del ser : emission de Ràdio País de 2006 al entorn dels contes e de la pòesia.

- diluns 12 a 11 oras : entrevista sul adaptacion occitana de "Molière d'Oc".

- dimars 13 a 11 oras : omenatge avans la seu mort, a Vilanuèva d'Òlt.

- dimenge 18 de genier a 7 oras del ser : emission de Ràdio País de 2006 al entorn dels contes e de la pòesia.

 

Ives Roqueta :

- disabte 10 de genier a 8 oras del ser : discucion amb Jean Claude Martinez al subjecte de lor recuèlh de fòtògrafias : "Latins"

- dau diluns 12 cap al divendres 16, dins las matinalas (7°30 - 9°), legidas de textes.

- dijòus 15 a 9 oras del ser : al festenal "Voix vives" de Seta en 2008, un viatge dins 50 ans d'escritura e d'anecdòtas.

- disabte 17 a 8 oras emision de 2007 sul "la Commune".

 

---

 

Ives Roqueta avia 22 ans, quand escriguèt lo poèma que seguís :

L'escriveire Public

Quand aurai tot perdut
mon lassitge ma lenga e lo gost de luchar
me virarai encara un còp cap a vosautres
òmes mieus
carretièrs jornalièrs pastres varlets de bòria
caratges doblidats esperduts renegats
òmes dels vilatges esconduts
dins un temps que vòl pas
que pòt pas espelir
e traparai dins vòstre agach
dins lo quichar de vòstras mans
dins vòstres crits mandats de lònga
de fons a cima de la tèrra
e que degun pòt far calar
una rason de creire encara
Tornarai èsser per vosautres
abitants grèus e maladrechs
d’un país de la votz d’enfança e de tèrra
lo mainatge qu’ai pas quitat d’èsser
un enfant de la vila en cèrca de l’amor
del pibol plegadís coma un cant de pelhaire
trevant los nauts pelencs de la vòstra mementa
d’òmes que sabon tot sens aver ren legit
que lo libre del temps que fai
Quilharai una taula
còntra lo vam dels sèrres
e me farai per vosautres
escriveire public.